Инфляция кучайиб боратганига қарамай Россия Марказий банки асосий ставкани 3 фоиз бандига туширди Россия Марказий банки асосий ставкани 3 фоиз бандига пасайтириб, 14% даражасида белгилади. Регуляторга кўра, ташқи шароитлар мураккаблиги ва иқтисодий фаолият чекланганлиги шароитида, нарх ва молиявий барқарорлик рисклари ўсишдан тўхтаган. Нархларнинг ўсиш суръати рублнинг мустаҳкамланиши ва истеъмол фаоллигини совуши ҳисобига пасаймоқда. Марказий банк инфляцияни 2022 йил охирида 18-23% коридорида прогноз қилмоқда. Айтиш жоизки, 22 апрель ҳолатига Россияда йиллик инфляция 17,7%га, озиқ-овқат инфляцияси қарийб 20,0%га етганди. Россияда рубль курси ҳам, асосий ставка ҳам пул-кредит шароитлар ва валюта бозорининг сигналлари ҳамда воситалари роли сифатидаги аҳамиятини йўқотиб бормоқда. Хусусан, асосий ставканинг бирданига 3% пасайтирилиши ҳам на валюта бозорига, на фонд бозори индикаторларига ўз таъсирини ўтказди.