Қирғизистонга пул ўтказмалари ҳажми пандемия йили даражасигача қисқариб кетган Ўзбекистонга юборилаётган пул ўтказмалари ҳажми оғир келган мартда ҳам пасаймаган, апрелда эса рекордларни янгилаган бўлса, қўшни Қирғизистонда бунинг акси юз бермоқда. Қирғизистон Миллий банки маълумотига кўра, 2022 йил март ойида хориждан 139,6 млн.доллар ўтказма келиб тушган, солиштириш учун — 2021 йил мартда келиб тушган ўтказмалар ҳажми 209,0 млн.долларни ташкил этган. Пандемия йили 2020 йил мартда эса хориждан Қирғизистонга 138,2 млн.доллар юборилган. Қўшниларимизда пул ўтказмалари ҳажми бўйича Россиядан юбориладиган маблағлар энг катта улушни ташкил этса, иккинчи ўринда АҚШдан юбориладиган ўтказмалар турар экан.