Ҳукумат нега шоколад бўйича божларни бекор қилмаган? Газета импорт божлари бекор қилиш сўралган қатор маҳсулотлар, хусусан шоколад бўйича божлар бекор қилинмай қолганига эътибор қаратмоқда. Нега шоколад бу рўйхатга тушмай қолгани сабаби оддий. Ахир 2018 йилда маҳаллийлаштириш ёлғони асосида ҳокимият ва чўнтак манфаатлари бирлашиб кетганлар тарафидан Ўзбекистонда шоколад фабрикаси қурилган-ку. Чегараларни тақа тақ ёпмаса, буларнинг қимматлаштирилган шоколадини ким олади? Табиийки, шундан буён шоколад импорти учун божлар уч баробарга оширилган. Чегарадан, қўшни давлатлардан маҳсулот олиб кириш меъёрлари каррасига қисқартирлган. Ҳаммаси шу олчоқлар учун қилинган. Битта олчоқнинг бойиши учун 36 миллион одамни камбағаллаштириш сиёсати асосида бу рўй берган. Шунинг учун, шахсан мен шоколад бўйича божлар бекор қилиниши мумкинлигига ишонмайман. Агар бу рўй берган тақдирда ҳам товон ўрнида ҳокимият ва чўнтак манфаатлари бирлашиб кетганларга бир неча триллион сўмлик қимматлаштирилган давлат буюртмасини (кўприкми, майдонми, кўчами, счетчикми, боринг ана трамвайми) қўш қўллаб топшириш керак бўлади.