Айрим ҳудудларда ер ости чучук сувларига қудуқ бурғулашга мораторий эълон қилинмоқда Агар лойиҳа маъқулланса, Навоий, Самарқанд, Жиззах, Қашқадарё, Наманган, Фарғона ва Андижон вилоятининг қатор туманларида ер ости чучук сувларига қудуқ бурғилаш ва сувдан махсус фойдаланишга рухсатнома бериш бўйича мораторий жорий этилади. Айнан шу ҳудудларда ер ости сув сатҳининг 5 метргача ва ундан ортиқ пасайиб кетганлиги қайд этилган. Рўйхатга тушган ҳудудларда ерларни суғориш ва ишлаб чиқариш мақсадларда ер ости сувларига қудуқларни бурғилаш ҳамда мавжуд қудуқлардан сув тежовчи технологияларсиз ерларни суғориш тақиқлаш ҳам кўзда тутилган.