Пул массасининг ўсиш суръати бироз секинлашган Июль ойи давомида миллий валютадаги пул массаси 1%га ёки 1,1 трлн.сўм ўсиб, 114,7 трлн.сўмга етган. Унинг таркибидаги нақд пуллар ой давомида 1,9 трлн.сўмга ёки 4,6%га ўсиб, 42,4 трлн.сўмни ташкил этган. Олдинги ойлар билан солиштирганда пул массасининг ўсиш суръати яна бироз секинлашган. Март ойидан буён тинимсиз ўсиб келаётган пул массасининг ойлик ўсиш суръатлари апрелда 14,6%ни, майда 6,9%ни, июнда эса 5,0%ни ташкил этганди.