Ўзбекистонликлар баткенлик жабрдийдаларга нон тарқатмоқда Қирғиз пабликларида можародан жабр кўрган баткенлик болалар ва аёлларга Ўзбекистон тарафи Сўх тумани орқали Қадамжой туманига коридор очиб бергани айтилмоқда. Тармоқларда тарқалаётган видеоларда сўхликларнинг автомашиналарда ҳаракатланаётган қирғизистонликларга буханка нон тарқатаётганини кўриш мумкин. Қирғизистон тарафи 3 кундан буён давом этаётган қонли тўқнашувлар ортидан Баткен ва Лайлак туманларидан 136 минг фуқаро кўчирилганини қайд этмоқда. Бугунги саммитда Ҳиндистон бош вазири Модининг Путинга қарата айтган гапларини яна такрорлаш керак: "Мен буни биламан, ҳозирги эпоха — бу уруш эпохаси эмас". Уруш бўлмаслиги керак.