ФРТ базавий ставкани яна кўтарди, бу охиргиси эмас Олтинчи марта кетма-кет оширилаетган ставка энди 3,75-4,00 фоизни ташкил этади. ФРТнинг очиқ бозор қўмитаси ставкани бундан буён ҳам ошириб борилишини истисно этмаяпти. Ҳозирги ставка 14 йиллик максимум ҳисобланади, лекин ҳали бугунги даражада инфляция кузатилган 1980-йиллардаги кўрсаткичларга етмаган. ФРТ ставкасининг оширилиши ривожланаетган давлатлар, хусусан Ўзбекистонга таъсирсиз қолмайди. Ташқи қарз жамғариш имконсизга айланишдан ташқари инвестициялар оқимининг сусайиши ҳам давом этади. Яна бир жиҳат валютада кредитлашнинг қисқараётгани билан боғлиқ. Марказий банк талабларига кўра, валютадаги кредитларнинг 6 фоиздан юқорисини 150 фоизлик риск даражасида белгиланган. Ҳозирда 6 фоиздан кредит бериш тугул, депозит ё қарз жалб қилиш имконсиз. Шу маънода мазкур талабларни ҳам кўриб чиқишга тўғри келади. https://www.federalreserve.gov/newsevents/pressreleases/monetary20221102a.htm