Федерал захира тизими яна ставкани оширди Очиқ бозор қўмитасининг релизига кўра, ставка 0,75 фоиз бандига, 3,00-3,25%гача оширилган. Бу март ойидан буён кетма-кет олтинчи марта ставканинг оширилишидир. Ставкани оширилиши билан бирга ғазначилик ва ипотека қоғозларининг ойлик сотув ҳажми сентябрдан бошлаб мос равишда 60 ва 35 млрд.долларгача етказилмоқда. Яъни қатттиқлаштириш янада қаттиқлашади. ФЗТ қарори кутилган бўлгани учун долларнинг кенг фронт бўйлаб мустаҳкамланиши кечадан бошланган эди. Қарордан кейин ҳам доллар барча асосий валюталар - евро, фунт, франк, иенага нисбатан мустаҳкамланишда давом этаяпти, олтин ва нефть эса яна арзонлаша бошлаган, америка облигациялари даромадлилиги 4%дан ошган.