Америкадаги кутилганидан яхшироқ инфляция Ўзбекистон учун муҳим хом-ашё нархларининг тикланишига туртки бўлмоқда Октябрь якунларига кўра, АҚШда ойлик инфляция 0,4%ни ташкил этган. Йиллик инфляция 7,7%гача пасайган (-0,5%). Дунёнинг энг йирик экономикасида инфляция кутилганидан кўра тезроқ пасаймоқда. Табиийки, бу инвесторларнинг фонд ва хом-ашё бозорларидаги риск иштаҳаларини қайтармоқда, доллар индекси пасайиб, ривожланаётган давлатларнинг валюталарига босим енгиллашаяпти. Ўзбекистон учун муҳим бўлган олтин нархлари кеча 1750 доллардан ортди, максимумларда 1765 долларгача чиқди. Иккинчи товаримиз бўлган миснинг тоннаси 8500 долларгача етди, Бу июндан бери кузатилган максимум. Қарз нархлари учун ориентир бўлган Американинг 10 йиллик ғазна қоғозлари даромадлилиги ўртача 4,1%дан 3,8%гача пасайди.