АҚШда инфляция рекорд даражага етди, оқибатлари глобал бозорларда акс этмоқда Октябрь ойи якуни бўйича қўшма штаталрда инфляция 0,9%ни ташкил этиб, йиллик кўрсаткичда эса 6,2%га етган. Бу 30 йиллик максимум. Тезлашган инфляция инвесторларнинг олтинга ва хом-ашёга қизиқишини янада қиздириб юбормоқда. Олтин қарийб июнь ойидан буён биринчи марта яна 1850+ долларлик коридорга қайтди. Буғдой яна бироз ошиб тоннасига 340 долларга етмоқда. Пахтанинг нархи ҳам ошишда давом этмоқда, кечаги савдоларда максимумларда бир тонна пахта 2667 долларгача кўтарилган. Доллар индексининг мустаҳкамланиши қатор иккинчи эшелондаги валюталар курсига қарши ишламоқда. Хусусан, долларнинг лирага нисабата 9,97га етди ва Турк лираси яна тарихий минимумини янгилади. Кўпчилик инвесторлар агар Туркия Марказий банки декабрда асосий ставкани яна бир бор пасайтирадиган бўлса, доллар/лира жуфтлигининг йил охирига прогнозини 10,5гача баҳоламоқда.