2 соатда учта ўқишда
Менимча, бу йилги бюджетга ўзгартиришлар ва келаси йил бюджетини қабул қилишда, параламентимиз қутурган принтер лақабли Госдуманинг рекординиям янгилаб юборди. Балки бу охирги пайтда улар апоқ-чапоқ бўлиб кетишганидан бўлса керак.
Аввалига 2022 йил бюджетига ўзгартиришлар (UzAuto Motors учун қўшимча 225 млрд.сўмгача субсидия шунинг ичида) ва 2023 йил бюджети лойиҳалари биринчи ўқишда қабул қилинди. Фракцияларнинг чиқишида тайёр шаблонлар такрорланди, биронта концептуал таклиф бўлмади. Ҳукумат ва раҳбарларга ҳамд ва наътлар янгради.
Кейин иккита ҳужжат — 2022 йил бюджетига ўзгартиришлар ва 2022 йил 23 ноябрдаги яна бир ўзгартириш билан боғлиқ қонун (балки овоз бериш тезроқ бўлиши учун) битта ҳужжатга бирлаштирилди ва иккинчи ўқишда овозга қўйилди. Кейин учинчи ўқишда юмалоқ ёстиқ қилиб тасдиқлаб юборишди.
2023 йил бюджети биринчи муҳокамада тасдиқланди ҳозирча. Ўтган йиллардан фарқли ўлароқ бу йил Ҳисоб палатасининг Бюджетнома бўйича хулосасиям очиқланмади.
Жуда катта тезликда кетаяпмиз. Фақат қаерга номаълум, савол берадиганлар ё йўқ, ё эшитилмаяпти.
Масалан, жонли эфирда депутат Ғаниевнинг UzAuto Motors экспорт қиладиган автомобиллар учун утилизация харажатларига давлат бюджети ҳисобидан қўшимча 225 млрд.сўмгача субсидия берилаётгани эътирозига жавобан, субсидия транспорт харажатларини қоплаш учун деб юборилди. Жонли эфирда эса жонли манипуляция ишлатилди.
Мана бу ерда экспорт қилишда транспорт харажатларининг бир қисми қоплаб бериладиган товарлар рўйхати келтирилган.
Уларнинг орасида Автомобиль йўқ! Автобус ҳам йўқ!
Сенат, агар Ўзбекистонда қонун руҳи қолган бўлса, лойиҳани орқага қайтариши керак.