Рубль қарийб 10 ойлик минимумларда Кеча эълон қилинган ва бугунги кун ҳолатига амалда бўлган расмий нисобга кўра, 1 рубль 153,80 сўмни ташкил этмоқда. Бу 2022 йил апрелдан буён энг паст кўрсаткич. Бугунги савдоларда рубль долларга нисбатан ҳам, катта оғаси юанга нисбатан ҳам пасайишда давом этмоқда. Айни дақиқаларда 1 доллар 74 рубллик, 1 юань 10,825 рубллик қийматларни забт этмоқда. Демак, бугун Марказий банк эълон қиладиган янги қийматларда ҳам рубль пастлаши керак. Россияда қолган ягона рейтинг агентлиги "Эксперт РА"нинг янги ҳисобларига кўра Россияда бюджет дефицити 5 трлн.рублгача етиши мумкин. Бу агар янги шоклар юз бермаган тақдирда. Агентлик ҳам бюджет тешигини ёпишнинг асосий чораларидан бири ўлароқ рубль нисобини пасайтиришда кўрмоқда. Рублнинг арзонлашуви Ўзбекистондан Россияга экспортнинг тийиши, импортни эса фаол рағбатлантириши мумкин. Пул ўтказмалари ҳажми ҳам ўтган йилги максимумлардан ортга чекинишни бошлайди.