Бизда Болалар Омбудсманиям бор. Шунчаки маълумот учун Хоразмда Инсон ва болаликка қарши юз берган жиноят бўйича Адлия, ФВВ ва Олий суд сўзчи мирзалари орқали шаблон муносабатларини билдириб, ўзларини соқит қилаётган бир вақтда эслатиб ўтмоқчиманки, Ўзбекистонда 3 йилдан буён Болалар омбудсмани ишлаб келмоқда. Буни нега эсладим? Олий суд баёнотига кўра, жамоатчиликнинг қаҳри ва ғазабини жунбушга келтирган суд қарори бўйича шикоят келиб тушмаган. Эслатиб ўтаман: Болалар Омбудсмани боланинг бузилган ҳуқуқлари, эркинликлари ва қонуний манфаатларини ҳимоя қилиш тўғрисидаги аризалар ва даъволар билан судларга мурожаат қилиш ва боланинг бузилган ҳуқуқлари, эркинликлари ва қонуний манфаатларини ҳимоя қилиш ҳамда тиклаш мақсадида суд жараёнларида қонунда белгиланган ҳоллар ва шаклларда шахсан ёки ўз вакили орқали иштирок этиш ваколатларига эга. Демак, Омбудсман ҳам ҳозирча жим ёки тез орада уям ўзини соқит қилади. Бугун твиттерда ёзишганидек, бу ерда қонун йўқлиги эмас, бор қонун номенклатуранинг жиноятига келганида ишламаганида муаммо бўляпти. P.S. Болалар Омбудсманиям икки қатор сўз айтишга сўзчи мирзасини овора қилипти.