​Январда сезилган инфляция 19,5%га етган Марказий банк аҳоли томонидан сезилган инфляция кўрсаткичларини инфографика тарзида эълон қилди. Очиқланган маълумтларга кўра, расман 12,2% инфляция кўрсатилган 2023 йилнинг қаҳратон январида аҳоли томонидан ўртача 19,5%лик инфляция сезилган. Бунда 21,0-25,0%лик инфляцияни сезганлар энг катта улушни ташкил этган. Кейин февралда ўртача кўрсаткич 14,9%гача, мартда эса 14,0%гача пасайган. Март ойи давомида респондентларнинг 43,1%и мева-сабзавотлар, 37,2%и гўшт ва сут, 28,5%и шакар ва қандолат маҳсулотлари нархлари юқори даражада ўсган деб топишган. Март ойида энг катта инфляцияни озиқ-овқат истеъмолчилари ҳисобланадиган пенсионерлар танасида сезишган (15,0%дан зиёд). Эслатиб ўтамиз, сезилган инфляция кўрсаткичлари 2022 йил октябргача бўлган даврда ойлик шарҳ кўринишида тақдим этиб келинган. Яна шунингдек, даврийлиги коммуникация сиёсатида кўрсатиб ўтилганига қарамай, инфляцион кутилмалар шарҳи ўтган йил ноябрдан буён, хорижий валюталарни айирбошлаш кўрсаткичлари ва пул ўтказмалари кўрсаткичларини ўтган йилнинг июнидан буён ойлик қирқимда бериш тўхтаб қолган.