​Инфляцион кутилмалар пасаймоқда, лекин валюта курси ўзгаришидан хавотирлар кескин ошган Июнь ойида инфляцион кутилмалар аҳоли назарида 13,3%(-0,4%), бизнес назарида 13,2%(-0,3%)гача пасайган. Энг салбий кутилмалар пойтахт Тошкент шаҳрида (16,8%) сақланиб қолмоқда. Ҳудудларда даромадлар пастлигига қараб инфляцион кутилмаларнинг ҳам пастлиги корреляциясини сезиш мумкин. Яъни бойроқ худудлар юқорироқ инфляция кутишмоқда ёки аксинча. Июнь ойида инфляцион кутилмалар омиллари рўйхатида валюта курсининг ўзгариши хавотири кескин ошиб кетган. Сўралганларнинг аҳоли орасида 50 фоизи, бизнес орасида 55 фоизи валюта курси ўзгариши омилини қайд этган. Бу июнь ойидаги тезлашган курс тебранишлари билан боғлиқ бўлиши мумкин. Дарвоқе, эртадан амал қиладиган АҚШ долларининг сўмга нисбатан курси 11 574,13 сўм янги максимум ҳисобланади. 2022 йил 18 март куни қайд этилган максимум (11 571,99 сўм) ниҳоят янгиланди.