Оддий одамлар ва оддий бизнес олигархия ва чўнтаклардан фарқли ўлароқ солиқ тўламоқда Кимдир солиқ тўламаса, ёпиқ эшиклар ортида имтиёз ва преференциялар ундириб олган бўлса, унинг ўрнига бошқалар солиқ тўлашига тўғри келади. Олдин ҳам кўп бора такрорлаганиимиздек, янги ва яп-янги Ўзбекистонда энг катта муаммо солиқ ставкаси эмас, имтиёхўр паразитларга берилган имтиёзлар туфайли солиқ юкининг ошиб бораётгани ҳисобланади. Имтиёз тарқатишга камроқ ружу қўйилган солиқ турлари бўйича тушумларнинг ўсиши бир маромда, ҳатто юқори суръатларда давом этаверади Мана қаранг, имтиёзхўрлик авж олмаган солиқлар бўйича 2022 йилда: Айланмадан олинадиган солиқ тушумлари 52,3%га; Мол-мулк солиғи тушумлари 63,4%га, шундан, бизнес бўйича 2 баробарига; Ер солиғи тушумлари 30%га; Даромад солиғи тушумлари 28,4%га ошган. Яъни оддий одамлар ва оддий бизнес, олигархия ва чўнтаклардан фарқли равишда солиқ тўлаяпти, ортиғи билан тўлаяпти. Шунинг учун ҳозирги оғир вазиятдан чиқиш учун солиқчиларнинг ойболтаси муттаҳам олигархия ва имтиёзхўр чўнтакларга қаратилиши керак