Июлда омонатлар қолдиғи қисқарган Техник сабабларга кўра кечикиброқ очиқланган ҳисоботга кўра, июль ойида жами депозитлар қолдиғи 5,5 трлн.сўмга ўсган ва 208,4 млрд.сўмга етган. Бунда корпоратив депозитлар 6,3 трлн.сўмга кўпайган бўлса, омонатлар қолдиғи 832 млрд.сўмга қисқарган. Эътиборлиси, 10 та давлат банкидан 9 тасида аҳоли омонатлари қолдиғи камайиши кузатилган (умумий қисқариш 1,1 трлн.сўм). Хусусий банклар орасида энг катта қисқариш Азия Альянс банкда - 499 млрд.сўм. Омонатлар қолдиғи динамикаси курс кутилмалари билан боғлиқ вақтинчалик ҳолат бўлиши мумкин. Зеро валюта курси тўғирланишидан олдин қиммат фоизли омонатлар (25% ва ундан юқори) таклиф этган Анор банк (+558 млрд.сўм), Тибиси банк (+172 млрд.сўм) ва Капитал банк (+366 млрд.сўм) катта миқдорда омонатларни жалб қила олишга эришган. Қайд этиш керакки, валюта курси тўғриланишидан кейин ҳам миллий валютадаги муддатли омонатлар ўзининг нисбий даражада афзаллигини сақлаб қолмоқда.