Зарарларни қоплаш бюджет моҳиятига айланиб кетган Иқтисодиётнинг қатор секторларидаги маъмурий буйруқбозлик, марказлашган тақсимот ва сифатсиз менежмент ортидан кўрилаётган зарарларни бюджет ҳисобидан қоплаш нафақат нормага, балки моҳиятга айланиб улгурган. Ўтган 6 ойда зарарларни қоплашга бюджет ҳисобидан ажратилган маблағлар: – ички бозорда табиий газни улгуржи сотиб олиш ва сотиш бўйича ихтисослаштирилган компания зарарларини қоплаш ва жорий фаолиятини молиялаштиришга — 8 804,5 млрд сўм; аҳолига иссиқлик таъминоти хизматлари тарифларини паст қўллаш ҳисобига кўрилган зарарларини қоплашга — 901,9 млрд сўм; “Тошшахартрансхизмат” АЖнинг чекланган тарифлар ҳисобига йўловчи ташиш хизматидан кўрилган зарарларини қоплаш учун 220,9 млрд сўм; “Тошкентметрополитени” ДУКнинг чекланган тарифлар ҳисобига йўловчи ташиш хизматидан кўрилган зарарларини қоплаш учун 96,7 млрд сўм; Жамоат эҳтиёжлари учун ер участкаларининг олиб қўйилиши муносабати билан жисмоний ва юридик шахсларга етказилган зарарларнинг ўрнини қоплаш — 294,6 млрд сўм. Импорт қилинаётган газ ва ички нархлар ўртасидаги фарқ ва зарари (минг кубасига 150 доллар, жами 400 млн.доллар атрофида) қандай ва қайси манбалар ҳисобидан қоплангани очиқланмаган.