104 млрд.сўмга кенгайтирилаётган Келес йўли учун 15та кўчмас мулк жойлашган ер майдони жамоат эҳтиёжлари учун олинади Тошкент шаҳар кенгаши қарори билан Келес йўлини кенгайтириш мақсадида жисмоний ва юридик шахсларга тегишли 15 та ер участкаси жамоат эҳтиёжлари учун олиб қўйилади. Қарорда мулкдорлар билан Келишув битими имзолаш ва уларга компенсация тўлаш белгиланган. Тўланадиган компенсация миқдори ва унинг манбалари очиқланмаган. Пойтахтнинг Олмазор ва Тошкент вилоятининг Келес шаҳарларини боғловчи Келес йўлинининг 3,1 кмлик қисмини таъмирлаш энергетик кризис авжига чиққан қишда бошланган. Пудратчи Grand Road Tashkent. Лойиҳа қиймати 103,6 млрд.сўм. Ёки 1 км йўлни таъмирлаш 3 млн..доллардан қимматроққа тушади. Grand Road Tashkent Чўпонота ва Кичик ҳалқа йўли устидан ўтган кўприк қийматини 2 карра шиширгани билан машҳур бўлганди. Келес йўли таъмирдан кейин 4 полосадан 11 полосагача кенгаяди (нархни шишириш учун шундай йўл тутилган деган тасаввур бор). «Тошкентнинг навбатдаги йўл лойиҳасини кўриб, додлаяпман — лойиҳадан лойиҳага бир хил хатоларни такрорлашяпти. Биз ҳаммани ишларни нормал (яхши эмас, нормал) қилишга кўндириш учун кўплаб йиғилишларда кунни кеч қилдик, кўп нарсалар ҳатто ўхшади ҳам, аммо бу одат тусига кирмади», — деб ёзганди урбанист Гершман ҳар километри 3 млн.долларга тушаётган Келес йўли ҳақида. Кўриниб турибдики, Ч.урбанистлар урбанистни эшитмаган.