Бир-биридан ёмон икки бир хил банкдан ёмонроғини тугатиш Жуда оғир ва мураккаб келиши кутилаётган 2024 йилнинг бюджети муҳокама қилинган мажлисда харажатларни оптималлаштириш бўйича ҳар бир соҳа, тармоқ ва ҳудудлар кесимида мавжуд захира ва имкониятлар ишга солиниши ҳақида шунчаки гапирилмади. "Барқарор иқтисодий ўсишни изчил давом эттириш учун фақат ички имкониятларни ишга солишимиз зарур", — деб Давлат раҳбари бекорга айтмади. Гап самарадорлик, харажатларни оптималлаштириш, ички имкониятлар ҳақида кетар экан, Микрокредитбанк янги бино сотиб олиши эмас, тугатилиши керак. Чунки бу банк барча белгиларига кўра, давлат агенти сифатида ҳам Халқ банкининг айни такрори. Ҳа, Халқ банкиям авло эмас, лекин Микрокредитбанкдан ўлса ўлиги ортиқроқ. Агар Микрокредитбанкнинг 60 филиалини актив ва мажбуриятлари билан Халқ банки тасарруфига ўтказиб, банк бошқарув аппарати тугатилса, ҳеч нарса ўзгармайди. Лекин ҳеч қурса, шу аппаратни боқишга кетаётган маблағлар ва яна 387 млрд.сўм тежалгани қолади.