Давлетовнинг ёзишича, жамоатчилик муҳокамаси учун эълон қилинган ҳукумат қарори лойиҳасига кўра, кам таъминланган оилаларга болалар нафақаси ёки моддий ёрдам тайинлашда расман никоҳи бекор қилинмаган алимент тўлаётган эр (хотин) оила таркибига киритилмаслиги ҳамда даромади, мол-мулклари нафақа тайинлашда инобатга олинмаслиги белгиланаётган экан. Энди болаларини ёлғиз тарбиялаётган аёллар эрининг даромади ёки мол-мулки ҳисобга олиниб, болалар нафақаси ёки моддий ёрдам тайинлаш рад этилиш ҳолатлари учрамайди. Қарор кучга кирса, тўлиқ давлат таъминотидаги болалар, тарбиялаш учун оилага қабул қилинган (патронат тартибида) болалар, ота-оналик ҳуқуқидан маҳрум этилган, шунингдек, суд қарорига асосан бедарак йўқолган деб топилган шахслар ёки расман никоҳи бекор қилинмаган алимент тўлаётган эр (хотин) оила таркибига киритилмайди.