​Янги йил арафасида нархлар ошишда давом этмоқда Янги йил дастурхони учун бозорлик қилаётган оддий ўзбекистонликлар мева сабзавотларнинг нархи ошишда давом этаётганига гувоҳ бўлишмоқда. Буни энг йирик, улгуржи ва арзон нархларда савдо амалга ошириладиган Қўйлиқдаги бозор нархларидан ҳам кузатиш мумкин. Демак, охирги ҳафтада (29 декабрь ва 22 декабрь): апельсин 15 минг сўмдан 20 минг сўмгача; киви 18 минг сўмдан 20 минг сўмгача; мандарин 20 минг сўмдан 25 минг сўмгача; лимон 25 минг сўмдан 30 минг сўмгача; помидор 25 минг сўмдан 32 минг сўмгача; банан 21 минг сўмдан 25 минг сўмгача; булғор қалампири 20 минг сўмдан 25 минг сўмгача; бақлажон 8 минг сўмдан 20 минг сўмгача қимматлаган. Бели оғриб, пул сарфлаб, тийин санаб бозорлик қилмайдиган ва янги йил "саватлари" қўша саройларига ўз оёғи билан келадиган ўзбек чиновниклари учун бу ҳайратли бўлиши мумкин. Лекин уларга яна 2 кундан кейин статагентлик эълон қиладиган ижодий иш намуналари асло ҳайратли бўлмайди.