Ваъда қилинган "Амнистия" эсдан чиққан кўринади Бизнесга қарши бошланган "фискализация учун интеграция" разверсткаси доирасида 227-1 модда бўйича ваъда қилинган амнистия бўйича ҳуқуқий ҳужжат пайдо бўлгани йўқ. Бугун 4,5 млрд.сўмлик жарима қўлланган умумий овқатланиш тармоғининг суди бўлмоқда. Катта эҳтимол, бизнесни қўллаб-қувватлаш йили деб эълон қилинган 2024 йилда бу бизнес ёпилади. Бошқа бир тадбиркор ёзмоқда: "Савдо саноат палатаси ва солиқ қўмитаси раиси билан йиғилишда солиқ кодексининг 227-1-моддаси бўйича амнистия берилди, деб айтилди, лекин ҳали ҳеч нарса ўзгаргани йўқ… Бу учрашувда айтилган гаплар фақатгина биз тадбиркорларни ёлғон хотиржам қилиш учунмиди? Халқни алдаб, оғизда гапириб, амалда қолиб кетаверадими бизнинг муаммолар?". "Дўстларга имтиёз, халққа солиқ, бизнесга жарима" тарзида тинимсиз қўлланилаётган икки хил стандартлар қачондир тўхташига ҳозирча биронта ишора йўқ.