Ўзбекистон қандай қилиб газ экспортчисидан соф газ импортчисига айланди Газета бу ҳақда катта материал тайёрлаган. Айрим иқтибослар: "2018 йилдан буён газ қазиб олиш қисқариши 13,68 млрд.кубни ташкил этган (бу амалдаги қазиб олиш ҳажмини деярли 30%и)". "Газ ва газ конденсати қазиб олишни оширишга қаратилган чора тадбирлар дастурининг қиймати бир неча миллиард долларга баҳоланган. Дастурга кўра "Газпромбанк" 710 млн.доллар, Хитойнинг Ипак йўли фонди 585 млн.доллар, Молия вазирлиги 200 млн.доллар қарз берган, Ўзбекнефтегаз ўз маблағлари 805 млн.долларни ташкил этган". "Газ қазиб олиш бўйича бажарилмаган прогнознинг катта қисми жуда катта маблағ киритган, якунда улкан қарзларни жамғарган Ўзбекнефтегаз ҳиссасига тўғри келади". "Газ билан боғлиқ вазият йирик инвестицион лойиҳаларни амалга оширишдан кейин янада ёмонлашган. Масалан, синтетик ёқилғи ишлаб чиқариш бўйича Uzbekistan GTL заводи ишга тушгач. Президент топшириғига кўра тузилган ишчи гуруҳ, лойиҳанинг қиймати шиширилгани (1 млрд.доллардан ортиқ), шунингдек, заводни тўлиқ ишга тушириш учун хом ашё базаси етишмаслигини қайд этган". "Шундай қилиб, углеводородлар қазиб олишни ошириш бўйича дастурнинг чиппакка чиққани ва ишлаб чиқаришнинг пасайиши туфайли ички талабни қондириш учун ва экспорт контрактлар бўйича мажбуриятларни бажариш учун (Хитойга газ етказиб бериш ва Лукойл, Uz-Kor Gas Chemical ва бошқалар билан маҳсулот тақсимоти битимлари доирасидаги мажбуриятлар доирасида) мамлакат газни импорт қилишга мажбур бўлган". Ўзбекистон ёқилғи энергоресурсларининг нетто импортчисига айланишини 2020 йилда эълон қилинган кутилмаларда кўрсатиб ўтгандик.