Қўшни давлатлардан маиший техника олиб киришга тақиқ дегани бу Протекционизмнинг боши бор, охири йўқ. Ўтган ёмон замонда амал қилган 10 доллар қонуни 100 доллар қонуни бўлиб тикланиши учун 7 йил кифоя қилди. Лекин бу кетишда 10 долларлик чекловгаям етамиз. Таклиф этилаётган қоидалар кучга киргандан кейин қўшни давлатлар, хусусан, Қирғизистон ва Қозоғистонга ўтиб кондиционердан тортиб кир ювадиган машинагача, телевизордан тортиб газ плитагача бўлган маиший техникаларни бож тўламай олиб кириш мумкин бўлмайди. Яна айрим жузъий талабларни қўшишса, бу телефон ва дазмол олиб киришгаям тақиқ бўлади. Тақиқ ва чекловлар кимдан чиқаётгани, кимнинг фойдасига қилинаётганини сиз жуда яхши биласиз. Таланган ўзбекистонликларни талаш давом этади.