Украина яна пахта етиштирмоқчи Украинанинг жанубида, хусусан Одесса вилоятида тажриба ўлароқ пахта етиштиришни тиклашмоқчи бўлишмоқда. Шу кунларга далага чигит қадашни бошлаган украиналик пахтакорлар суғориладиган майдонлардан 27 центнергача ҳосил олишмоқчи. Пахта экишга Одессадаги 10та хўжалик қўл урган. Айтиш керакки, Украинада пахта экишга уриниш биринчи марта эмас. Бундан 75 йил аввал ҳам СССРнинг биринчи ва охирги Пахтачилик вазири Усмон Юсупов бошчилигида Украинанинг жанубий вилоятлари ва Қримда пахта етиштириш ҳаракатлари бўлган. Балки бу сафар тажриба муваффақиятли чиқар. Балки ўзбек пахтакорлари украиналик дўстлар билан тажриба алмашишар.