Пенсия ислоҳоти бўладими? Стратегик ислоҳотлар агентлиги пенсия тизимини кенг кўламли ислоҳ қилиш, шу жумладан пенсия тайинлаш шартларини қайта кўриб чиқиш, пенсия ёшини умр давомийлигига мослаб қайта кўриб чиқиш, иш стажи ёки пенсия олиш учун бадалларни қайта кўриб чиқиш, пенсия тизимининг молиявий барқарорлигини таъминлаш ва аҳоли қамровини ошириш зарурияти ҳақида бонг урмоқда. Аҳволимиз ва тенденциялар ҳақида тасаввур бўлиши учун қатор рақамлар келтирилган. Сўнгги 10 йилда Пенсия жамғармаси даромадлари 3,4 бараварга ошган бўлса, харажатлари 5 бараварга ошган. 2020 йилдан пенсия тўловларини молиялаштириш учун давлат бюджетидан доимий равишда трансферт ажратилмоқда. 2022 йилда трансферт миқдори 11 трлн сўм (жами харажатнинг 24,7 фоизи)ни ташкил этган бўлса, 2023 йилда 15 трлн сўм (29 фоиз) кўзда тутилган. 2030 йилда трансферт миқдори 38 трлн сўмга етиши прогноз қилинмоқда. Пенсия тизимига юклама юқори суръатда ортиб бораетгани ҳақида илгари бир неча бор тўхталганмиз. Агентлик, шунингдек, амалдаги тизимни такомиллаштириш учун ҳам қатор таклифлар берган. Хусусан, Халқ банкидаги амалдаги мажбурий пенсия жамғарма ҳисобварақлари тизими ихтиёрий, мослашувчан ва бошқа банклар учун очиқ шаклга ўтказилишини керак. Жамғариб бориладиган пенсия ҳисоби Халқ банкидан чиқарилиши кераклиги ҳақида мана бу ерда ва мана бу ерда ўқишингиз мумкин