​Сентябрда давлат бюджети даромадлари ҳам, харажатлари ҳам кескин ошган Сентябрь ойида давлат бюджети даромадлари 26,7 трлн.сўмни ташкил этган. Бу августга нисбатан 20,8%га, ўтган йилнинг сентябрига нисбатан 29,6%га кўп дегани. Даромадлар кескин ўсгани фонида харажатлар янада тезроқ кўпайган ва 27,1 трлн.сўмдан иборат бўлган. Августга нисбатан ўсиш 21,4%, ўтган йилнинг сентябрига нисбатан 23,9%га кўп. Давлат бюджети даромад ва харажатлари кескин ўсгани сабаб ва омиллари чорак якунлари бўйича ҳисоботда кўринса керак. Айтиш керакки, ўтган ойда олтин нархлари 2 670 долларгача кўтарилган, бу сентябрнинг ўзида бюджетга бир неча юз миллион доллар қўшимча даромад келтирган бўлиши мумкин. Шунингдек, 1 сентябрдан пенсия ва нафақалар 15%га оширилган, бу ойлик харажатларни 750 млрд.сўмдан 1 трлн.сўмгача оширган. Шимолдан потираб ошаётган газ импорти ҳам ҳисобсиз ва шаффоф бўлмаган бюджет субсидияларини кўпайтираётгани эҳтимоли аниқ. Даромад (пул) бўлса, харажат (ўзлаштириш) албатта топилади, айниқса ҳозирги Ўзбекистонда. Нима бўлгандаям, ўтган йилнинг 9 ойи билан солиштирганда йиғилган дефицит 40,8 трлн.сўмдан 37,3 трлн.сўмгача қисқарган.