Ўзбекистонда АЭС қурилмаслиги керак Lolazor'нинг навбатдаги меҳмони Энергетика вазири Жўрабек Мирзамаҳмудов бўлди. Вазир билан Бойсундаги техноген офат ва унинг оқибатлари, суюлтирилган газ дефицити, газ қазиб олиш қисқариши ва газ (ёқилғи) импорти бўйича шимолга қарамлик, диверсификация чақириқлари, келаётган қишда бизни кутаётган реалликлар, давлат энергетика бошқаруви топ менежментидан кетиб "инвесторлар" хизматига ўтаётганлар ўртасидаги манфаатлар тўқнашуви, ва албатта, махфий деб эълон қилинган АЭС қурилиши масалаларини гаплашдик. Берилмай ва очиқланмай қолган саволлар ҳали ҳам жуда кўп, доимий коммуникацияга зарурият юқори эканини инобатга олиш керак бўлади.