UMS’ни хусусийлаштиришда ким консультант бўлади? 1991 йилдан ҳисобласа, учинчи, балки тўртинчи марта қайта хусусийлаштирилиши эълон қилинган қадимий уяли алоқа компаниясининг давлат улуши очиқ савдоларга қўйиладиган 29та корхона орасида биринчи қаторга қўйилгани ва Г.Каримованинг озодликка чиққани ҳақидаги асоссиз ва ҳақиқатга тўғри келмаслиги тўғрисидаги хабарларнинг бир кунда ва кетма-кет янграшида ирония бордек туюлди. Албатта, белгиланган жуда қисқа муддатларга қараганда UMS шу йилнинг ўзида сотилиб кетиши ҳам мумкин (балки тайинланган харидор ҳам бордирки, консультант жалб қилиш ва савдолар учун ўта қисқа муддат қўйилган). Лекин менга шу бўлажак савдоларда консультант ким бўлиши қизиқ, ахир у ростанам яна тарихда қолиши мумкин. Нима бўлгандаям, бўлажак консультант UMS’ни хусусийлаштиришда ҳеч қурса нима қилмаслик борасида эски Ўзбекистон ва глобал дунё коррупция тарихи силсиласига айланган етарлича ахборотларга эга.