Сенатор ва депутатлар нима дейди? АнтиКоррупция агентлиги ёпиқ (яширин) қарорларни камайтириш тўғрисидаги таклифларни илгари сурганидан 10 ой ўтиб, ҳокимлар имзолаётган қарорларларнинг ёпиқлик даражаси кескин ортган. Хусусан, Тошкент шаҳри ҳокими Шавкат Умурзоқов қабул қилган 803 та қарорнинг 67% дан ортиғи ёпиб қўйилган (бир йил аввал 50%дан камроқ бўлган). Ҳатто энг очиқ ҳоким ҳисобланган Тошкент вилояти ҳокими имзолаган ҳужжатларда ҳам ёпиқ қарорлар улуши 14%дан 18,9%га етган. Антикоррупция таклиф бердикдан нарига ўтолмаса, Адлия вазирлиги қарорларни яшираётган ҳокимларга қарши ҳеч нарса қилолмаса, Рақобат қўмитасининг ваколати етмаса, балки сенатор ва депутатларимиз ҳам бир уриниб кўришар ёпиқ қарорларни очтиришга? Ахир қарорларни ёпиш ва яшириш мусобақасида шу парламентимиз тасдиқлаган ҳукумат ҳам ортда қолаётгани йўқ.