Уруш товони: россияликлар камроқ сабзавот ейишмоқда, гречка қимматламоқда Украинага босқинчиликнинг учинчи йилига келиб, урушнинг тўловини россияликлар ўз ошқозонида ҳам ҳис қилишни бошлашган. Коммерсантъ "Нильсен" таҳлилларига таяниб, охирги бир йилда сабзавот сотувлари ҳажмда сезиларли қисқарганини аниқлаган. Масалан, бақлажон сотувлари 16%га, қовоқ сотувлари 10,5%га қисқариб кетган (Ўзбекистонда қовоқ нархи ер билан бир бўлиб тушиб ётипти). Шимолликларнинг асосий емиши картошка сотувлари ҳам 6,4%гача пасайган. Нархлар эса ошиб ётипти. Худди шу картошка картошка 20,2%га қимматлаган. Мазкур ўзгаришлар аҳоли тежашга ўтгани билан изоҳланмоқда (шартли равишда сариёғ ўрнига замбарак ишлаб чиқарилса, бошқача бўлиши мумкинмас. Шунингдек, Россиянинг катта қисмида ёзнинг аномал совуқ келиши сабаби ҳам келтирилмоқда. Совуқ ёз туфайли шимолликларнинг яна бир муҳим емиши — гречканинг ҳосили 35%га қисқариши айтилмоқда. Ўзи гап совуқ ёзда ҳам эмас, шунчаки гречка экилмаган - экин майдонлари 32,3%га қисқариб кетган (ким ҳам эксин, гречка экадиганлар Украина тупроқларида ўғит бўлишга юборилаётган бўлса). Нархлар ҳозирдан оша бошлаган.