Ҳужжат қани? Ҳуқуқий-демократик давлатда ҳар бир ўзгариш норматив-ҳуқуқий ҳужжатлар (қарордан тортиб қонунгача) асосида йўлга қўйилади ва тартибга солинади. Техник жиҳатдан тартибга солиш агентлигининг Kun.uz’га маълум қилишича, импорт автомобилларни синовдан ўтказиш буткул тўхтатилади ва уни аввалгидай Божхона ҳудудида қайта тиклаш кўзда тутилмаган. Агентлик бирон бир ҳужжатга ҳавола бермаган (кимлиги ва ваколати номаълум агентлик вакилининг сўзларини бир жойга тиркаб қўйиб бўлмайди). 10 ой аввал, 2024 йил ноябрда импорт қилинган автомобилларни божхона ҳудудида эмас, Пискентдаги полигонда техник синовлардан ўтказиш бошланганида ҳам бирон асосли ҳужжат келтирилмаганди. Ким кафолат беради эртага кайфиятлар ўзгариб кетса, яна нималар тўққиз қайтади?