Агробанк қишлоқ хўжалигининг асосий драйвери бўлиб қолмоқда Агробанкнинг йиллик ҳисобот ва жорий йилги режалари бўйича тадбири давомида эътиборли рақамлар янграган. Унга кўра, Агробанк 2025 йилда Ўзбекистонда етиштирилган пахта хом-ашёсининг 80 фоизи, бошоқли дон ҳосилининг 95 фоизи молиялаштирган. Банк томонидан пахта ва ғалла ҳосилини етиштириш учун ажратилган имтиёзли кредитларнинг умумий ҳажми эса 15 трлн сўмни ташкил қилган. Шунингдек, Агробанк Хитойдан 1 400 тонна юқори сифатли пахта уруғи олиб келиб, фермерларга тарқатган. Бу уруғлар эса ҳосилдорликни 50–60 центнерга етказишга имкон берган. Бундан ташқари, банк сув тежовчи технологиялар жорий қилиш учун 2,4 трлн сўм йўналтирган. Фермер хўжаликларининг ички суғориш насос агрегатларини қуёш панеллари билан таъминлаш учун қарийб 1 трлн сўм молиялаштириш амалга оширган.