​Сўм эркин сузувчига ўхшамоқда 2025 йил ички валюта бозори тенденцияларининг асосий якунларидан бири ўлароқ сўмнинг эркин сузувчи валюталар динамикасини акс эттира бошлагани билан боғлиқ деса бўлади. Халқаро валюта жамғармасининг “Валюта курс режимларини классификация қилишнинг янгиланган тизими”га кўра, мамлакатда валюта курси 6 ой ёки ундан ортиқ вақт давомида марказий қиймат атрофида ±2% диапазонда шаклланса, ХВЖ ушбу ҳолатда валюта курсини эркин сузувчи (floating) эмас, балки барқарорлаштирилган валюта курс режими (stabilized arrangement) деб баҳолайди. Шунингдек, 2025 йилда хорижий кредитлар ва коммуникация ҳам сўмни мустаҳкамловчи омил бўлган. 2025 йилда ички валюта бозорига 9,7 млрд долларлик валюта маблағлари банклар томонидан хорижий кредитлар ҳисобидан сотилган (2024 йилга нисбатан 69 фоиз ёки 4,0 млрд долларга кўп). Сўм энг тез мустаҳкамланган 2025 йил 4- чоракнинг ўзида хорижий кредитлар ҳисобидан 3,4 млрд.доллар сотилган. Валюта бозорида коммуникациянинг ўрнига эътибор ўзгарган, яъни курс ва кутилмалар шаклланишида очиқликнинг аҳамияти ҳам тобора ортмоқда. 2025 йилнинг август ойида ХВЖ техник миссияси жалб этилган ҳолда валюта бозорини ривожлантиришнинг кейинги босқичлари, шу жумладан коммуникацион сиёсат шаффофлигини янада ошириш масалалари муҳокама қилинган. Ички валюта бозорида янада очиқ коммуникация сиёсатини юритишни мақсад қилган ҳолда “2026 йил учун валюта бозорида коммуникацион сиёсатни юритиш бўйича тадбирлар режаси” ишлаб чиқилган.