​Маошга нисбатан энг қиммат уй-жой ҳалиям Самарқандда! Уй-жой нархлари ўсишининг охирги 1,5 йилда секинлашгани, даромадларнинг эса уй-жой нархларидан юқорироқ суръатда ўсишда давом этгани уй-жой сотиб олиш имкониятларини бирмунча яхшилаган. Бу ҳақда Марказий банк таҳлилларидан маълумот олиш мумкин Масалан, энди Тошкентда ишлаб, ўртача маош билан 50 кв метр уй-жой сотиб олишга 5 йил-у 9 ойлик ўртача маош керак бўлади. 1,5 йил аввал 50 кв.метр уй-жой учун тошкентликлар ёки Тошкент меҳнаткашлари ўртача 7 йилу 7 ойлик маошларини сарф қилиши зарур эди. Айни пайтда, Самарқанд Ўзбекистонда маошга нисбатаан олганда энг қиммат уй-жой олиш мумкин бўлган ҳудудлигича қолмоқда. 2025 йил охирига келиб, Самарқандда ишлаб, Самарқандда 50 кв.метр уй-жой олиш учун 8 йил-у 10,5 ойлик ўртача маошни сарфлаш керак (емай-ичмай, албатта). 2024 йил ярмида бунинг учун 11 йил-у, 1,5 ойлик маош керак бўларди. Ҳартугул, аҳвол анча яшиланган. Ўртача маошга нисбатан уй олиш имконияти энг яхши ҳудуд Қорақалпоғистонлигича қолган. Шимолий маконимизда 3 йил-у 10 ойлик маошга 50 кв.метрлик хонадон сотиб олса бўлади.