​Пахтачилик кооперациялари ортга - колхоз ўтмишга ташланган қадам экани рақамларда! Қишлоқ хўжалиги вазирлиги 2020 йилги пахта кампанияси расмий якунларини эълон қилипти. Эсингизда бўлса шу йил бошида совет колхоз бошқарувини эслатувчи, ёзилиши бўйича пахта тозалаш корхоналари негизидаги фермер хўжаликларининг ихтиёрий кооперациялари ташкил этилган эди. Амалда бу Пахтачилик кооперациялари иш ташкил этиш, зўравонлик ва ўзлаштиришлар бўйича ҳокимларнинг шахсий колхозидан катта фарқ қилгани йўқ. Эътиборлиси, расмий якунлар бўйича ҳам шу йил бошида ура-урачилик билан ташкил этган Пахтачилик кооперациялари самарасизлигини очиқ-ойдин кўриш мумкин. Кластер тузилмаларининг 93 фоиздан ортиғи шартномавий режагани уддалаган бўлса, Пахтачилик кооперацияларининг 72 фоизигина қўйилган вазифани бажарган. Пахтачилик кооперацияларининг самарасизлиги ҳосилдорликда ҳам акс этган. Кластерларда ҳосилдорлик 30 центрнердан ошган, кооперацияларда эса 27 центнерга базўр етган. Дарвоқе, Бош вазир ўринбосари Ўктам Барноевнинг ноқонуний топшириғига кўра SULTON TEX GROUP кластеридан зўравонлик билан тортиб олиниб, ҳоким Мақсуда Мустафоева томонидан ташкил этилган Пахтачилик кооперациясининг натижалари эълон қилинса, жудаям қизиқ бўларди. @the_bakiroo