Қарз олувчи жисмоний шахсларнинг кредитлар (микроқарзлар) бўйича қарз юкини ҳисоблаш тартиби, қарз юкининг рухсат этилган миқдори, шунингдек қарз юки ўсишини чеклаш тўғрисидаги Низом лойиҳаси қайтадан муҳокамага қўйилди. Ўтган галги лойиҳадан фарқли ўлароқ, бу сафар ломбардлар ва микрокредит ташкилотларининг тўғридан тўғри манфаатлари инобатга олинган. Хусусан, Қарз юки кўрсаткичи ҳар бир қарз олувчига банклар ва микрокредит ташилотлари томонидан микроқарз ёки ломбардлар томонидан кредит ажратишда унинг суммаси ва қарз олувчининг амалдаги барча кредит ва микроқарз шартномалари бўйича асосий қарз қолдиғи йиғиндиси 10 миллион сўмга тенг ва ундан ошганда ҳисобланади. Шунингдек энди Қарз берувчи томонидан кредитлар (микроқарзлар) ажратилаётганда жисмоний шахснинг қарз юки кўрсаткичи 50 фоиздан ошмаслиги кераклиги таклиф этилмоқда. @the_bakiroo