"Виждонсиз бўлган субъектлар" яратган идеал шторм ҳақида UzautoMotors ва унинг дилерлик тармоғида гуллаб-яшнаётган коррупцион элементларга қарши, қўрқаманки, монополистнинг ягона реакцияси нархларни ошириш бўлади. Чунки монополист автомашиналари прейскурант нархларини ошириб олиш учун жуда қулай фурсат: Микрочиплар дефицитидан фойдаланиб, ишлаб чиқариш талабдан 2 карра паст даражага туширилди. Баҳоналар тайёр - Охирги ошишдан кейин доллар 10%дан кўпга кўтарилди. "Виждонсиз бўлган субъектлар" сабаб шапкалар пайдо бўлди. Идеал шторм қисқаси. Ва энг асосийси, коррупцияга қарши курашиш учун, "Виждонсиз бўлган субъектлар"ни ўйиндан чиқариш мақсадида нарх оширдик, дея самарасизликни яна бир бор хаспўшлаш мумкин бўлади. Ахир тепадагилар ҳам ўзларидан, чатишиб, битишиб кетишган. Тушунишади. Дарвоқе, эсингиздами, сотувлар бир ойга тўхтатиб қўйилган феврал ойида қандай ваъдалар берилган эди? UzAutoMotors тизимида SAP технологияларининг тадбиқ этилиши инсон омили таъсирисиз автомобиллар савдоси шаффофлигини таъминлаши ҳақида айтилганига уч ой бўлмади-я. Эссиз ERP/CRM SAP учун кетган миллионлаб долларлар. Латифаларда айтилганидек Россияда автомобиль ишлаб чиқаришга қанчалар уринилмасин охирида конвейердан танк чиқаверганидек, ўзбек монополисти қандай автомобиль ишлаб чиқармасин, ўша автомобиллар шапкали чиқаверади. @the_bakiroo