Айтишларича, ўтган 2019 йилда давлат устав капиталига қўшимча равишда 1 трлн.сўм берган, лекин йилни атига 6 млрд.сўм фойда билан якунлаган давлат банкларидан бирининг раиси лавозимидан озод этилипти. Юқоридаги хатбошидаги асосий мазмун қайсидир раиснинг ишдан кетгани эмас, солиқ тўловчиларнинг 1 трлн.пули ҳавога совурилганида. Расмий инфляция 15,2 фоизни ташкил этган шароитда 1 трлн.сўм пул ўз қийматини йўқотмаслиги учун 152 млрд.сўм фойда яратиши керак эди ўша банк, 6 млрд.сўм эмас. Янги тренд доирасида бу банкка ҳам ёшгина, келишган, инглизча аралаштириб гапиришни хуш кўрадиган бирон йигит раҳбар этиб қўйилади. Бу тўғри иш, лекин тўлиқ иш эмас. Чунки бундан кейин ўша банкда уч нарса ўзгаради холос, янги раиснинг маоши (камида 100 млн. сўм), янги раиснинг костюм-шими (қиммат брендли, камида 2 минг долларли) ва бир неча миллиардга яратиладиган янги логотип. Энг асосий муаммо - банкнинг самарасизлиги, активларнинг сифатсизлиги, хатарларнинг баҳоланмаслиги, менежментнинг ҳукуматнинг босимларига қарамлиги сақланиб қолаверади. Токи давлат банкни хусусий эгасига сотмагунича, ўзининг тасарруфидан тўлиқ чиқармагунича. @the_bakiroo