"Соф иқтисодий жиҳатдан АЭС генерациянинг бошқа турларига бирмунча ютқазади" Энергетика вазири ўринбосари Шерзод Ходжаев «Росатом» воситачилигида АЭС қурилишига оид қатор мулоҳазалари билан ўртоқлашган. Айрим иқтибослар: "Атом электр станциялари қурилишига келсак. Биз яна бу қанчалик иқтисодий мақсадга мувофиқлиги ҳақидаги саволга қайтамиз. Бир томондан, лойиҳа қазиб олинадиган ёқилғига муҳтожликни камайтириши билан жуда аҳамиятли. Қуёш ва шамол энергиясидан фарқли ўлароқ, у [электр энергиясини] барқарор ишлаб чиқариш учун анча юқори кафолатлар беради. Бошқа томондан, шуни таъкидлаш керакки, соф иқтисодий жиҳатдан бу лойиҳа геренациянинг бошқа турларига бирмунча ютқазади". "Ўзбекистон логистика борасида анча жиддий муаммоларга дуч келган, яъни логистика бўйича бизда маълум чекловлар мавжуд бўлган давлат сифатида шу омилни ҳисобга олиши керак. Бундай станция қурмоқчи бўлганлар кўп. Аммо, агар 50−60 йиллик истиқболга назар ташласангиз, станцияни қандай ёқилғи билан таъминлаш, [реактив] чиқиндиларни қандай йўқ қилиш ҳақида ўйлаш керак". Ҳеч бир муқобил танловсиз, тендерсиз потенциал агрессор тарафидан тиқиштирилаётган АЭС ҳақида нуқтаи назаримиз қисқача мана бу ерда ифодаланган.