Пахта Ўзбекистонга Тожикистондан импорт қилинадиган биринчи рақамли товарга айланди Тожик тарафининг маълум қилишича, ўтган 6 ойда Ўзбекистонга 17,3 млн.долларлик 6,6 минг тонна пахта экспорт қилинган. Бу ўтган йилнинг шу даврига нисбатан 3,3 баробар кўп. Пахта экспорти ҳажми қўшниларнинг Ўзбекистонга экспорт товарлари орасида электр ва цементни ҳам ортда қолдирган. Тожик статистикасига кўра, 2022 йилнинг 6 ойида Ўзбекистонга жами экспорт 96 млн.долларни, импорт эса 189 млн.долларни ташкил этган. Ўзбек статистикасига кўра эса, Тожикистондан 78,7 млн.долларлик импорт юз берган, экспорт эса 211 млн.доллар. Ўзбекистон статистикаси аввал ҳам кўп бора таъкидлаганимиздек, экспорт ва импортнинг товарлар номенклатураси қирқимидаги батафсил маълумотларни тақдим этмайди. Ўзбек текстилчилари ва кластерларининг кенгайиб бораётган бизнеси учун пахта етишмаётгани шароитида қўшни давлатлардан пахта импорти қўшимча имкониятлар яратиши ҳақида аввал ҳам ёзган эдик. Ўзбеклар Марказий осиё пахтаси учун курашда асосан Бангладеш ва Хитой компаниялари билан рақобатлашишига тўғри келади.