Тожикистон электромобиль импортини солиқ ва божлардан тўлиқ озод қилмоқчи Қўшниларимиз, гарчи кўп ўхшашликларимиз бўлсада, биздан фарқли ўлароқ протекционизм касалига камроқ чалинишган. Келаси йилдан бошлаб Тожикистон электромобиль импортини солиқ ва божлардан тўлиқ озод қилмоқчи. Биздаям шундай-ку, дейишиниз мумкин. Шундай эмас. Бизда электромобиль импорти ҚҚС билан солиққа тортилади. Шунингдек, нотариф чекловлар мавжуд. Божхона расмийлаштируви (0,2%), Мувофиқлик сертификати (400 доллар атрофида) ва божхона декларанти учун (100 доллар атрофида) ҳам тўлаш керак. Электромобиль импортида энг катта чеклов бу - ўзбекистонлик йилига биттадан ортиқ электромобиль олиб кира олмаслиги билан боғлиқ. Бунинг учун мувофиқлик сертификати деган ўйлаб топилган бало тўсқинлик қилади. Яъни ўзбекистонлик иккинчи электромобилни олиб кирмоқчи бўлса, унга мувофиқлик сертификати берилмайди, демакки, божхона режимидан чиқарилмайди. Шунингдек, электромобиль импорти назорати секин-аста тор манфаатлар гуруҳига ўтиб кетиши рисклари мавжуд. Масалан, шўрпешонамизга битган бало Ўзавто, электромобиль чайқовчилиги билан шуғулланишни бошласа, бўлди, урди худо дегани. 13 минг долларлик BYD E2 электромибилини 25 минг долларга, 20 минг долларлик BYD Qin Pro моделини 35 минг долларга олишга мажбур бўламиз.