​"Улуғ оғалар" тажрибаси Ўзбекистон ҳукумати қурилиш, шаҳарсозлик, геоинформатика соҳасидаги энг йирик лойиҳалаш институтини таъсисчилари VIRIDI ва PROLIZ деб кўрсатилган “SG ENGINEERING AND DEVELOPMENT” МЧЖга 133,7 млрд сўмга сотган. Мазкур МЧЖ лойиҳалаш институти сотувга қўйилишидан бир ойча аввал очилган, катта эҳтимол, айнан шу мақсадда ташкил этилган. Давлетовуз харидор бенефициарлари юридик шахслар реестрига шунақа киритилганки, уларнинг кимлигини билиш осон иш эмаслигидан дилгир бўлмоқда. Мен эса ҳечам ҳайрон бўлганим йўқ. Бизнинг чиновниклар тўтиё қиладиган ва доим ҳавас-у орзусида бўлган Россияда бу тажриба аллақачон амалиётга киритилган. Россия собиқ бош прокурори Чайканинг ўғиллари росреестр базасида масалан, ЛСДУ3 ва ЙФЯУ9 деб кўрсатилган. Шойгунинг қизи, "космонавт" Рогозин, собиқ куёв Шамалов ва шунга ўхшаш бир охурдан сув ичувчиларнинг номлари Росреестрда ё кўрсатилмаган ё мулкдор ўлароқ РФ белгиси қайд этилган. Ишораларга кўра, VIRIDI ва PROLIZ ҳам бегона эмас. Шу яқин атрофдан, жуда яқин ва албатта бегона эмас.