2023 йил бюджети: у қандай қабул қилинади Амалдаги қонунчиликка кўра, Ҳукумат бюджет лойиҳасини Қонунчилик палатасига, қоида тариқасида, жорий йилнинг 15 октябридан кечиктирмай Ҳисоб палатасининг хулосаси билан киритиши керак. Давлат бюджети тўғрисидаги қонун лойиҳаси Мажлисининг Қонунчилик палатаси томонидан, қоида тариқасида, жорий йилнинг 15 ноябрига қадар кўриб чиқилиши керак. Қонунчилик палатаси томонидан қабул қилинган Давлат бюджети тўғрисидаги Қонун Сенатга кўриб чиқиш учун қабул қилинган кундан эътиборан беш кун ичида юборилади. Давлат бюджети тўғрисидаги Қонун Сенат томонидан, қоида тариқасида, жорий йилнинг 15 декабридан кечиктирмай маъқулланади.