Жарликларни ўнг чўнтак кўмиб пул ишлайди. Кейин чап чўнтак янги дренажлар қуради Петтинг тендер ғолиби 308 млрд.сўмга Тошкентдаги зовур ва жарликларни кўмади. Тошкент шаҳар ҳокимлиги ҳузуридаги “Daryo bo‘yi business city тадбиркорлик марказини қуриш ва эксплуатация қилиш дирекцияси” ўтказган тендерда ўнг чўнтак Discover Invest билан чап чўнтак Mimar Group баҳслашган ва 308 млрд.сўмлик буюртма ўнг чўнтакка берилган. Жарликларни кўмиб юбориш ўзи табиат шакллантирган коллекторлардан "касалликлар тарқалаяпти" деган муждани тепага олиб чиқиш воситасида бошланган. Амалда эса кейинроқ, жарликларни кўмиб юборишдан асл мақсад бюджет пулларини ўзлаштириш ва ўз ўзидан янги пайдо бўлган ерларни сотиш бўлгани ойдинлашди. Яна қайтарамиз, аввал бошда жарликлар кўмилиши учун айтилган сабаб касаллик тарқалиши бўлган. Жарликларнинг кўмилиши оқибатлари бирон бир жиддий мутахассислар ва мустақил институтлар томонидан ўрганилгани йўқ. Гумоним шуки, орадан кўп ўтмайди, табиий коллекторларидан айрилган шаҳарда сунъий дренажлар қуришга катта зарурият сезилади. Буни биз шу яқин баҳордаёқ сезамиз. Лекин шундаям ўртага яна шаҳар ҳокимияти ва унинг икки - ўнг чўнтак Discover Invest билан чап чўнтак Mimar Group майдонга чиқади. Бу сафар эҳтимол, чап чўнтак ғолиб бўлади ва бир неча юз миллиардга сунъий дренажлар барпо этиш бошланади. Булар бузиб, кўмиб пул қилаётганида, эртага қуриб, сотиб ва яна бошқатдан қазиб ҳам пул қилишнинг ҳадисини ўзлаштириб бўлишди. Тепада нега ҳалигача буни сезишмаяпти, ҳайронман.