80 бензинга берилган имтиёздан 2023 йилда халқ эмас, очофат монополист ва олигархия фойда кўрди ЎНГ сўзчиси баёнотида ҳаммани чалғитадиган икки катта ёлғон миннат бор. Биринчидан, имтиёз берилишидан бир кун олдин ЎНГ заправкаларида 80 шиптир сўзчи айтаётганидек, 7500 сўм эмас, 6800 сўм атрофида эди. Ва нархлар илк кунларда 5700 сўмгача эмас, 5500 сўмгача пасайган. Буни ўша пайтда вазир ўринбосари ҳам шахсан ўзи тасдиқлаган. Орадан уч ойдан кўпроқ вақт оралиғида 80 шиптир нархи аввал 5700 сўмгача, кейин Россиядан келган "импорт бензин бу" деган ёрлиқ билан 6000 сўмгача ва сиёсий тадбирлар ўтказиб олингач, 6050 сўмгача ошириб олинган. Нимагадир ўзбек чиновниклари доим халқнинг хотираси қисқа ва бемалол алдашимиз мумкин, деб ўйлашади. Иккинчи иддао ҳам ҳеч ёпишмайди. Бюджет йўқотган 1,2 трлн.сўм (аслида кўпроқ) халқнинг фойдасига эмас, 80 бензиннинг ҳар литридан 550 сўмдан қўшимча даромад олган ЎНГ ва ҳар литрдан 1500 сўмгача суперрента олган ва импортни ўзаро тақсимлаб олган очофат олигархлар чўнтагига бориб тушган. Бу ҳақда жуда кўп ёздик. Имтиёз муддатининг баҳордаги узайтирилиши халқнинг эмас, монополист ва олигархларнинг мазахўраклигига хизмат қилди.