Нега Ўзбекистон Ҳиндистон эмас? 2023 йилнинг 9 ойида 69 млн.тонна Россия нефтини импорт қилишдан олинган скидкалардан Ҳиндистон 2,7 млрд.доллар иқтисод қилиб қолган. Йил якуни бўйича олинган скидкалар суммаси янада кўпроқ бўлгани табиий. Ҳинд компаниялари 2024 йилда ҳам шундай қаттиқ сиёсат олиб боришда давом этишмоқчи. Роснефть билан шартнома қилаётган 3та ҳинд компанияси (Indian Oil, Bharat Petroleum, Hindustan Petroleum) шимолликлардан нафақат катта скидка талаб этишмоқда, эҳтимолий жарима ва йўқотишларни қоплашни ҳам кун тартибига киритишган. Нега ҳиндлар талабчанлиги ва қатъиятини ўзбеклар қила олмайди? Балки сабаб ишлаб чиқаришниям, импорт ҳам монополлаштириб олинган Ўзбекистондан фарқли равишда Ҳиндистон компаниялари ичкарида ҳам, ташқарида ҳам очиқ бозор шароитларда ишлаётгани учундир? Балки шимолликлар ҳинд компанияларига айтайлик, Ироқдан ё Саудиядан нефть олишни тақиқлай олишмас? Ўзи шимолликлар Ўзбекистонга Озарбойжон, Қозоғистон ва Туркманистондан нефть олмаслик талаби билан босим ўтказа оладими ё бу шимолликларга мойил энергетиклар томонидан тор манфаатли битимларни оқлаш учун тўқилган мифми?