II чоракда сотиб олинган олтиндан камроқ валюта интервенцияси амалга оширилган Апрель-июнь ойларида Марказий банкнинг маҳаллий ишлаб чиқарувчилардан қимматбаҳо металлар хариди 26,4 трлн.сўмни ёки 2,1 млрд.долларни ташкил этган. Шу даврда ички валюта бозоридаги соф валюта интервенциялари 20,3 трлн.сўм ёки 1,6 млрд.доллардан иборат бўлган. Регуляторга кўра, ушбу ҳисобга Иқтисодиёт ва молия вазирлиги, ФРРУнинг валюта амалиётлари ҳам киради. 2024 йилнинг биринчи чорагида Марказий банк интервенциялар ҳажмини очиқламаган эди. Маълумот учун, май ойида евробондлар орқали жами 1,5 млрд.доллар экивалентида (шундан, 600 млн.доллар ва 600 млн.евро) ташқи қарз жалб қилинган эди. Шунингдек, Миллий банкнинг июнь ойида облигациялар орқали жалб қилган 411 млн.доллар эквивалентидаги (шундан, 300 млн.долларда) қарз маблағларини эсга олиш керак. Мазкур даврда халқаро захираларнинг қолдиғи, хусусан олтиннинг қимматлашиши ҳисобига 34,2 млрд.доллардан 36,3 млрд.долларгача ошган. Жалб қилинган қарзлар қўллови ва импортнинг маъмурий жиловланиши эвазига ўзбек сўми иккинчи чоракда АҚШ долларига нисбатан 12 628,05 сўмдан 12 555,16 сўмгача мустаҳкамланган.