​100 млн.долларга "хусусийлаштирилган" ФНҚЗнинг бир қисми 140 млн.долларга Air Products'га сотилади Ўзбекистонда хусусийлаштириш бўйича ёзиладиган китобларда ва балки келажакдаги маҳкамаларда алоҳида бобга айланадиган Фарғона нефтни қайта ишлаш заводининг бир қисм активлари Saneg'дан Air Products'га 140 млн.долларга сотилган. Бу битимининг кулгули томони шундаки, "хусусийлаштирилган" Фарғона нефтни қайта ишлаш заводи бўйича Saneg ҳали белгиланган тўловни тўлиқ амалга оширмаган. Яъни шу кунгача ҳам, Saneg унга совға қилинган завод бўйича тўловларни "сопини ўзидан чиқариб" амалга ошириб келаётган эди. Совға қилинган активнинг бир қисмини 2 йил ўтиб қимматига сотвориш мумкинмиди? Ау, Давактив, агар ФНҚЗнинг бир қисми 140 млн.долларга сотилаётган бўлса, бутун заводни қандай қилиб 100 млн.долларга совға қилгансизлар? 380 миллион АҚШ долларидан ортиқ инвестиция киритиш мажбурияти нима бўлди? Замонавий ва экологик тоза бензин, «Евро-5» талабларига жавоб берадиган дизел ёқилғиси, Жет А-1 реактив ёқилғиси, суюлтирилган табиий газ ишлаб чиқаришни кўпайтириш, нефт агрегатларини модернизация қилиш, шунингдек, ишлаб чиқариш қувватини камида 2 миллион тоннага ошириш вазифалари-чи? Хусусийлаштириш оталари, Давактивдагилар бирон овоз чиқарармикан?